أكُطاع رائع جرى بين أديبين (طريف)

اراد احد الأدراباء اختبار إبداع آخر فاستبق السجال بكافه، طلبا ل”لگطاع”.

 

الأديبين :المحفوظ ولد الگصري وحناني ولد حناني:

 

حناني ولد حناني:

للمحفوظْ لْيُومْ عَاطِ**زَيْنْ اگْطَاعْ اِگْبالْ

 

شِ عَجْلاَنْ وْلاَهْ باطِ** فِيهْ المَعْنَ دَالْ

المحفوظ ولد الگصري:

ذَ حَنَّانِ عادْ وَاطِ** ظَرْكْ اعْلَ لِكْحَالْ

 

وَصْلانَ لُ زادْ عَاطِ**مجموع إلّ گَالْ

حناني :

البدعْ لْمَحْبُوكْ جِبْتُ**فِسْغَيّرْ منْشَالْ

 

تُوسِرْ فِيهْ اِلاَّ اكْتِلْتُ**مِنْ مَتْنَ اَعَظَّالْ

المحفوظ:

ذَحَنَّانِ لْيُومْ شِفْتُ**وَرَّ ذِ لَهـــْوَالْ:

 

حَتَّ ذَ لِكْحَالْ جِبْتُ**مَتْقُونْ لْمَقَالْ

حناني:

يمحفوظِ فيكْ بَلْگَ**ماهِ ذِيكْ لْحَالْ

 

زينْ اغْنَاكْ اِدِگْ دَكَّ**تعطب للدَّلالْ

المحفوظ:

مانك فِلموزونْ طَفْگَ ** مانَلَّ مُحَالْ

وِلْعَانِدْلَكْ دُورْ يَبْگَ** فِلــّـورَ مَـــزَالْ

حناني:

نختير اناديك قَصْدِ** ننحـــر لــززالْ

يالمحفوظ اسمينْ عَنْدِ** يغير “اگلال”

(تنبيه: اگلال من لبير هو ازوزال الندوية.)

المحفوظ:

لاهِ اتْفُوقْ اتْبِانْ حَدِّ**وتزوز المُحَالْ

 

أُلاَكَانِتْ فِرْ عَــنْــدِ**زُزَالْ اَگــِــــــلاَلْ

حناني:

نَادَيْتَكْ ليَّاكْ تَظْفَرْ** نَدْوِيّتْ تِبْجَالْ

وَرَانَكْ اَبَيْتْ تَحْظَرْ**وَزُزَالْ انْكَـــالْ

 

المحفوظ:

 

مانِ لاَهْ فِرْ نَحْظَرْ** يِكُـــونْ اِفلهْـــوَالْ

وِنْتَ گَافَكْ زَيْنْ وَشْمَرْ**فِلِّ فَاتْ انْگَالْ

 

حناني:

 

إختِرتْ لَّهْوَالْ عَنِّ**مَحْفُوظِ انَّهْـــــوَالْ:

زَين اِغْنَاكْ اِلاَّ اشْطَنِّ**عَنْ نَسْمَعْ فُوكَالْ

 

المحفوظ:

 

عاتگْ مِن لَهْوَالْ فنِّ**بَدَّلْ ذَا لْمَجَالْ

يِزَّ مِنْ لِكْحَالْ، مِنِّ**يِزَّ مِنْ لْكْحـــَالْ

 

حناني:

 

تِنْحِ يَمحفوظْ نِحْيَ**فِگْطَاعَكْ مِثَالْ

ما نَگْطـَعْ گِدَّامْ وَطْيَ**مارَيْتَكْ مِنْشَالْ

 

المحفوظ:

 

إگْطَعْنَ افلكْحَالْ وَطْيَ**گِلْنَ ذَا لْيِنْگالْ

وِنْتَ هُوَ زَادْ مِسْيَ**يَمِسْيَ شِلــْحَــــالْ